Александра Пријовиќ на самиот крај на минатата година ја испиша историјата на музичката сцена и соборувајќи го рекордот им даде домашна задача на сите пејачки. Покрај полните Арени, за кои се зборуваше во целиот регион, една од главните теми беа и нејзините стајлинзи кои ги носеше на турнејата „Од исток до запад“.
Додека медиумите шпекулираа за нејзините беспрекорни фустани и костуми кои ги носеше на концертите по неверојатни суми и од познати модни марки, Александра Пријовиќ откри зошто се одлучила за проверената модна формула со потпис на најсигурната модна куќа Александар Меквин.
– Секогаш вложував во кариерата колку што можев во одреден момент. Фала му на Бога, сега имам можност навистина да инвестирам и мислам дека ова е моментот кога нема потреба да гледам, бидејќи никогаш не сум погледнала колку ќе заработам и како ќе изгледа. Што се однесува до мојот стајлинг и изглед, вложив колку што можев и се што мојот стилист мислеше дека треба да вложам и замисли како треба да изгледам, реков ок – рече Александра за „Гранд“ и додаде.
-Сето тоа секогаш им го оставам на оние кои подобро се разбираат од мене. Фала му на Бога, имам можност и луѓе околу мене кои знаат што прават и учам од нив. Никогаш не се мешам во нивната работа и им верувам. Покажаа дека тоа што го работат е на врвно ниво.
Бидејќи последниве месеци таа беше главна тема во медиумите, па дури и се дебатираше за феноменот на нејзиниот успех, новинарите ѝ поставија необично прашање – дали е лесно да се биде Александра Пријовиќ деновиве.
– Секако дека е лесно и многу е убаво кога можеш да уживаш во тоа што го работиш. Ја сакам мојата работа, нема ништо поубаво од тоа кога ќе се оствари нешто за што сонувате – одговорила Прија.
Таа продолжува скромно да зборува за својот неверојатен успех, а на прашањето дали има некоја тајна, вели:
– Нема тајна. Сите тоа ме прашуваат и велат дека сум феномен. Ова е нешто што го градам со години, а верувам во судбина и верувам дека кога некој работи со срце и кога инвестира и дава максимум, публиката тоа го препознава. Среќата е голем фактор, и јас сум имала среќа во мојот живот, а кога се редат коцките, ова се случува. Ова е големо изненадување за сите. Мојот пријател Драган Брајовиќ Браја кажа една работа што е вистина. Знаете кога нешто се случува преку ноќ, а нашата ноќ траеше осум години, всушност 14. Големите работи не се случуваат преку ноќ. Секако, оваа година беше неверојатна, имав среќа, се си дојде на свое место, сите коцки си дојдоа на свое место. Морам повторно да кажам дека колку и да верувавме сите во тоа што го правиме, никој не можеше да очекува дека ќе се случи нешто толку убаво како ова.
