Пред да изгради успешна кариера, хрватската пејачка Данијела Мартиновиќ доживеала ситуација што веројатно никогаш нема да ја заборави – за еден нејзин настап не бил продаден ниту еден билет.
Данијела за ова необично искуство зборуваше во емисијата „Special Happy Show“, присетувајќи се на настап во дискотека во близина на Сисак, на кој публиката воопшто не се појавила.
„Имаше еден диско-клуб во близина, мислам дека беше кај Сисак, каде што поставив апсолутен рекорд – нула продадени билети. Никогаш не би го променила тоа, бидејќи и тоа е дел од патот. Колку и да беше чудно, само неколку месеци подоцна почнаа да се случуваат ‘Zovem te ja’, ‘Ide mi, u životu ide mi’, ‘Što sam ja, što si ti’, ‘Neka mi ne svane’, а потоа навистина сè некако тргна по нагорна линија“, раскажа пејачката.
Како што објасни, кога сфатиле дека во клубот нема публика, туку само келнери, одлучила воопшто да не излезе на сцената и се вратила дома.
„Не, имаше само келнери. Си заминав дома кога видов дека никој нема да дојде. Но, морам да кажам дека не чувствував стрес, страв или неизвесност. Подоцна дури и се шегувавме на сметка на тоа и извлековме поука – никогаш не треба да се откажувате во животот, апсолутно никогаш“, изјави Данијела.
Токму по тој период почнаа да се редат нејзините големи хитови, па овој неуспех, како што вели денес, останал само една необична епизода на патот до успехот, пренесува „Пулсонлајн“.
