Велигденските пости кои траат 48 дена се голем предизвик како за верниците, така и за традиционалната македонска кујна. Традиционалното посно мени овојпат сакаме да го збогатиме со нови посни рецепти кои ќе бидат лесни за подготовка и вкусни за да уживате комплетно во постот.
Овој пат уживајте во еден поинаков тип на тестенини, слатки, а најважно од сѐ посни.
Состојки:
– 250гр. шпагети или макарони
– 50гр. сечкани ореви
– 4 лажици мед
– 2 лажици кафеав шеќер
– 4 лажици кокосово брашно
– 100гр посно чоколадо за готвење (по желба)
Подготовка:
Сварете ги шпагетите/макароните во вода во која ќе додадете и малку сол. Убаво исцедете ги и додека се топли додадете го медот и убаво промешајте ги во некој подлабок сад.
Во истиот сад потоа додадете го шеќерот, сечканите ореви и кокосовото брашно.
Посната чоколада стопете ја на пареа и прелијте ги макароните откако ќе ги сервирате во чинија.
