Во документарецот посветен на фудбалерот Бекам, сопружниците Дејвид и Викторија Бекам првпат ги коментираа неверствата на спортистот во раните 2000-ти.
Поранешната љубовница на Дејвид Бекам, Ребека Лус, го прекина молкот по објавувањето на документарна серија за фудбалерот на Нетфликс. Таа објави фотографија на својот Инстаграм и им се обрати на своите претплатници.
Поранешната асистентка на спортистот го прекина молкот откако Дејвид Бекам првпат зборуваше за нивната романса во раните 2000-ти.
Во документарната серија на Нетфликс, Дејвид и неговата сопруга Викторија отворено и гласно размислуваа за последиците и како морале да се прилагодат на животот во Мадрид кога се појавија вести за аферата на фудбалерот во 2004 година.
Холандската манекенка Ребека Лус, која во тоа време беше лична асистентка на Бекам, го прекина молкот на социјалните мрежи споделувајќи видео од снег кој паѓа пред нејзиниот дом во текот на ноќта.
„Здраво зима! Рано како и секогаш“, напиша таа.
Како што е познато, 45-годишната Ребека сега е учителка по јога во Норвешка. Таа ги расте своите „мали Викинзи“ – два сина, Магнус и Лиам, кои ги доби во бракот со нејзиниот сопруг Свен.
Романсата на Ребека и Дејвид наводно се случила во 2004 година, кога Дејвид играше за Реал Мадрид и се пресели во Мадрид без Викторија. Сега ѕвездата од „Спајс грлс“ за документарецот изјави дека тоа било „најнесреќниот период низ кој некогаш поминала“.
Сепак, парот ја надмина кризата во врската и се во брак повеќе од 20 години, заедно се грижат за четири деца – Бруклин, Ромео, Круз и ќерката Харпер.
Да потсетиме, Дејвид Бекам не дозволил сопругата да лаже за време на снимањето на серијата за Нетфликс.
