По настапот на пејачката Ријана на полувремето на Супер Боул, кога гледачите го видоа нејзиниот заоблен стомак поради бременоста, интересот на интернет корисниците за спортски вежби за трудници порасна за – неверојатни проценти! – пренесува Њујорк пост.
Според веб-страницата за фитнес Total Shape, има зголемување од 285% за фитнес прашања за бремени жени на Google. Во исто време, бројот на пребарувања на изразот „вежби за стомак“ пораснал за 177%, а потрагата по „теретана за трудници“ бележи раст од 300%.
Веб-страницата предупреди дека за време на бременоста вреди да се пристапи кон спортски вежби но со претпазливост.
Иако вежбањето може да помогне да се намали отокот, да се намали болката во грбот и да се зголеми енергијата, жените кои претходно не биле активно вклучени во спортот не треба да прибегнуваат кон зголемен тренинг за време на бременоста.
Експертите на страницата ги советуваа трудниците – доколку решат да почнат со вежби токму во бременоста – да изберат пливање и долги прошетки.
Настапот на Ријана на Супер Боул во неделата, 12 февруари, предизвика гласини за нејзината бременост, кои подоцна беа потврдени.
