– Претежно облачното време и понатаму продолжува во Македонија. Повремено ќе има појава и на сончеви периоди а денес и тоа особено во западните предели ќе има појава на повремени локални врнежи од дожд. Снег ќе провејува само на највисоките планински места. Ќе дува и слаб до умерен ветер од јужен и од југоисточен правец, и истиот денес, како и во следните денови повремено ќе засилува на интензитет. Температурите ќе бидат НАТПРОСЕЧНО ВИСОКИ, како утринските така и дневните и максималните дневни температури особено во текот на новата седмица која што ни следува ќе се искачуваат во интервалот од 9 до 15 степени.
Во Скопје и околината исто така времето ќе биде претежно облачно. Ќе дува јужен и југоисточен ветер кој повремено ќе засилува на интензитет а температурата ќе се искачува до околу 12 степени.
НАПОМЕНА: Натпросечно високите температури на воздухот кој ќе ги имаме наутро и преку ден се резултат на јужното воздушно струење кое е, и ќе биде присутно во Македонија во следниот период – вели метеопрогнозерот Славчо Попоски.
