– Под влијание на изразена циклонска активност со центар над Џеновскиот залив, до самиот крај на оваа недела времето во Македонија ќе биде променливо облачно со повремени врнежи од дожд.
Снег ќе врне само на највисоките планински места и тоа особено на северозапад. Локално врнежите ќе бидат ПОРОЈНИ и ОБИЛНИ (над 70 л/м2) со што е можна појава на локални поплавувања.
Особено утре локално ќе биде и нестабилно со интензивен пороен дожд, грмежи и силен јужен ветер. Ќе дува ЗАСИЛЕН, повремено СИЛЕН ветер од јужен и од југозападен правец (повремено со брзина од над 80 км/час).
Температурите ќе бидат високи за овој дел од годината и речиси насекаде ќе надминуваат 10 степени, додека во најтоплите централни и југоисточни предели истите се очекува да се искачат и до околу 18 степени.
Поголемо заладување на времето и врнежи од снег и на пониските места (градови) ќе има за време на викендот. Тогаш на планинските места ќе се формира позначителна снежна покривка (над 30 см) а помала снежна покривка ќе се формира понекаде и во градовите, – вели метеопрогнозерот Славчо Попоски на напоменува дека снегот кој се очекува во градовите за време на викендот ќе биде мокар и краткотраен.
