– Под влијание на циклонска активност со центар над Џеновскиот залив, денес како и во следните денови времето во Македонија ќе биде претежно облачно со повремени врнежи од дожд со слаб до умерен, локално и со умерен интензитет.
Денес и утре локално врнежите ќе бидат ПОРОЈНИ и проследени со ретки грмежи. Ќе дува слаб до умерен ветер, денес од југоисточен, а во следните денови од северен и од североисточен правец.
Температурите и понатаму ќе бидат РЕЛАТИВНО ВИСОКИ и ќе се искачуваат во интервалот од 9 до 15 степени.
Во следниот период влажен снег ќе врне само на високите планински места.
Во Скопје и околината исто така времето ќе биде претежно облачно со повремени врнежи од дожд со слаб до умерен интензитет. Ќе дува слаб до умерен ветер, денес од југоисточен, а во следните денови претежно од северен правец. Температурите ќе се искачуваат во интервалот помеѓу 11 и 13 степени, вели метеопрогнозерот Попоски.
За повеќе метео информации следете го Фејсбук профилот на Славчо Попоски – ТУКА.
