– Продолжува периодот на променливо облачно време во Македонија со сончеви периоди и со слаб до умерен ветер од променлив правец.
Во попладневните и во вечерните часови ќе има повеќе облачност и ќе има повремени локални врнежи од дожд. Локално врнежите ќе бидат ПОРОЈНИ и проследени со појава на грмежи, засилување на ветерот а има услови и за ретка појава на град.
Во Скопје исто така ќе биде променливо облачно со сончеви периоди. Во делови од котлината во попладневните и во вечерните часови ќе има услови за повремен дожд, ретки грмежи како и со засилување на ветерот во зоната на нестабилност.
Температурите ќе бележат тенденција на постепен пораст и ќе се искачуваат во интервалот од 14 до 21 степен, додека во централните и во југоисточните предели во петок, како и за време на викендот температурите ќе достнигнат до 25 степени, локално и до 26, 27 степени.
Како што најавивме, доаѓа период на уште потопло, но и понатаму променливо време – – вели метеопрогнозерот Славчо Попоски.
За повеќе метео информации следете го Фејсбук профилот на Славчо Попоски – ТУКА.
