Најпопуларниот јутјубер на денешницата Џејмс Стивен Доналдсон, познат како Mr Beast (господин Ѕвер), направи морничав експеримент поминувајќи седум дена закопан во гроб, секако под земја.
Цела недела Џејмс престојувал под земја во адаптиран ковчег, стаклен, со стандардни димензии, а за време на експериментот се соочил не само со физички, туку и со психички последици.
Најголемиот страв на повеќето луѓе е да бидат живи закопани. Длабоко под земја, без кислород, без излез, во ограничен простор и соочени со клаустрофобичен напад на паника, смртта изгледа како единствена извесност.
Затоа Mr Beas одлучи да го доживее ова застрашувачко искуство под контролирани услови. На овој начин сакал да достигне 200.000.000 претплатници на Јутјуб, што на крајот и му успеало.
Сепак, во неговиот стаклен ковчег имало снабдување со кислород за да не се задуши, но тој земал и лимитирана храна, пет литри вода, па дури и мали тегови за да не му атрофираат мускулите.
После два дена поминати во ковчег под земја почнал да ги чувствува последиците од со часови лежење, како и од недостатокот на простор и сончева светлина. Иако бил многу уморен, не можел да заспие, а солзите сами му течеле. Тој призна дека психички не се чувствува добро.
Неговите тројца пријатели цело време го следеа нговото однесување под земја, комуницираа со него, па дури и правеа шеги за да го расположат, а неговата реакција по седум дена, кога го откопаа и кога ја виде сончевата светлина, беше бесценета.
