18.8 C
Скопје
20:13 - 5 октомври, 2022

Погребот на кралицата Елизабета Втора за „влакно“ го урна рекордот по посетеност што 22 години го држеше погребот на Тито: Кој сè дојдоа, а кој не на погребот на кралицата

Беа потребни 22 години да се урне рекордот на посетеност на погребот на Јосип Броз Тито. Погребот на кралица Елизабета Втора е во „тесно“ водство по посетеност на еден државнички погреб во историјата. 

Погребот на претседателот на Југославија на 8 мај 1980 година беше најпосетуван по бројот на присутни политичари и државни делегации. Присутни беа четворица кралеви, шест принцови, 22 премиери, 31 претседател и 47 министри за надворешни работи.

На државниот погреб на кралицата Елизабета во понеделникот присуствуваа 2.000 официјални претставници, меѓу кои 18 монарси, 55 претседатели и 25 премиери.

Активистката и писателка Арнеса Буљушмиќ-Кустура на Твитер напиша дека погребот на кралицата сепак не успеал да го надмине погребот на Тито. Меѓутоа, кога ќе го споредат бројот на земјите-членки на Обединетите нации кои испратија свои делегации, ќе се види дека погребот на кралицата има тесна предност.

На погребот на Тито присуствуваа претставници на 128 земји, што е 83 отсто од тогашните 154 членки на ОН, додека на погребот на кралицата присуствуваа 167 државни делегации, што е 86,5 отсто од сегашните 193 земји-членки на ОН.

Кој дојде, а кој не на погребот на кралицата Елизабета

Официјалниот список на гости не е објавен, но однапред се знаеше дека на погребот ќе присуствуваат повеќе од 500 лидери и функционери од целиот свет. Македонија ја претставуваше претседателот Стево Пендаровски кој дојде во придружба од неговата сопруга.

На погребот дојдоа американскиот претседател Џо Бајден, како и бразилскиот претседател Жаир Болсонаро и јужнокорејскиот претседател Џун Сук-Јол. Дојде и францускиот претседател Емануел Макрон, како и претседателката на Европската комисија Урсула фон дер Лајен. Во Лондон не дојде претседателот на Турција Реџеп Таип Ердоган, иако беше поканет, но не можел лично да присуствува поради други обврски.

 

View this post on Instagram

 

A post shared by The Royal Family (@theroyalfamily)

Присутни беа и лидерите на повеќето поранешни британски колонии. Канадскиот претседател Џастин Трудо, премиерката на Нов Зеланд Џасинда Ардерн и австралискиот премиер Ентони Албанес дојдоа од земјите на Комонвелтот.

Кинескиот претседател Си Џинпинг добил покана, но според она што го објавија медиумите, Пекинг испратил „делегација на високо ниво“ предводена од потпретседателот Ванг Кишан.

Претставниците на Сирија, Венецуела и Авганистан не беа поканети, додека поканите за Северна Кореја и Никарагва беа испратени само до амбасадорите. Во Лондон не се појавија ниту лидерите и официјалните лица на Русија, Белорусија и Мјанмар.

Јапонскиот император Нарухито и царицата Масако отпатуваа на погребот, а им се придружија и членови на неколку европски кралски семејства, меѓу кои и семејството Караѓорѓевиќ, пренесува „блиц.рс“

 

Слични објави

Татјана Алексиќ, професорка по македонски јазик: Децата ни се спремни да го бранат јазикот колку што ние им даваме лични примери

Јасмина Кантарџиева Димков

(ФОТО) Драган Бјелогрлиќ по Скопје го посети и Кавадарци: Присуствуваше на доделувањето на признанието на градоначалникот Митко Јанчев

Еспресо

Почина Лорета Лин: Била ќерка на рудар, се омажила на 15 години и успеала да стане кралица на кантри музиката

еспресо

Неодлучниот Маск конечно пресече: „Ќе го купам Твитер!“

Еспресо

(ВИДЕО) Во знак на солидарност со жените во Иран, шведска пратеничка си ја отсече косата: Додека Иран не се ослободи, нашиот гнев ќе биде поголем од угнетувачите

Еспресо

Која е и што ја прави посебна Бони Габриел, новата Мис на Америка која влезе во историјата?

Еспресо
Се вчитува....