Пејачката Марија Шерифовиќ, која пред само неколку недели го загуби својот татко Рајко, полека се враќа во јавноста по најтешкиот период во својот живот.
И покрај свежата болка, реши да се огласи по повод настан кој ѝ донел светлина во овие не баш убави денови.
Нејзиниот син Марио денеска го слави својот втор роденден, па пејачката одлучи да се обрати по тој повод.
На Инстаграм, каде често отворено ги дели и најважните и најинтимните моменти од животот, Марија објави емотивна фотографија од синот.
Марио, со подигнати рачиња, седи во својата количка пред раскошната новогодишна декорација.
– „Жив ми бил, животе и радост моја најголема“ – напиша Марија, оставајќи покрај фотографијата посвета која ги стопли срцата на бројните следбеници.
