Трајче и Кате од групата „Соната“ останаа запаметени по тоа дека тајно се венчаа, врската ја криеја од јавноста, а и веста дека ќе станат родители.
Секако, велешката групата е позната и по нивните успешни настапи и песни, и е една од најзафатените на македонската естрада. Но, она за што најмногу се пишуваше во 2019 се приказните од нивниот приватен живот.
Пејачката и клавијатуристот на фолк групата, Катерина Брезева и Трајче Бондиков цели 18 години беа во љубов и во врска. Конечно, по 18 години, тие во мај во 2019 година решија да застанат на „лудиот камен“, но таа вест ја сокрија од јавноста на почетокот.
Убавата невеста беше во осмиот месец од бременоста, а јавноста тоа го дозна откако Кате и Трајче се пофалија со фотографии на социјалните мрежи. Потоа, нешто повеќе од еден месец, тие имаа уште една голема радост – им се роди ќерка во јуни во 2019.
Ана сега има шест и пол години, а пред извесно време Кате објави фотографија со неа, како снима во студио. Новата приказна на „Соната“ е поврзана со нивниот настап на Фолк фест „Роса“, каде што биле дел од учесниците.
Дотерани и елегантни, Катерина и Трајче објавија фотографија на социјалните мрежи пред настапот, како и дел од песната која секако ќе остане да се пее.
