Пејачката Мина Костиќ и нејзиниот вереник Мане Ќурувија, познат како Каспер, по напуштањето на болницата заминаа на одмор, далеку од очите на јавноста. По тежок период, двајцата одлучиле да се посветат на одмор и мир.
По излегувањето од Психијатриската болница „Д-р Лаза Лазаревиќ“, каде што престојуваше 23 дена, Мина, според медиумските информации, извесно време не го напуштала својот дом. Потоа, заедно со вереникот отпатувала на море.
Каспер за „Блиц“ откри како се чувствува пејачката во моментов.
„Мина е одлично. Уживаме во одморот и мирот. Поздрав од двајцата“, изјавил тој кратко.
Здравствената состојба на пејачката во изминатиот период предизвика голем интерес во јавноста, а нејзините соседи тврдат дека по враќањето од болницата таа речиси воопшто не излегувала од станот.
„Мина не сме ја виделе откако беше пуштена од ‘Лаза’. Откако се врати, не излегуваше од станот. Цело време со неа беше Каспер. Тој повремено излегуваше за да ги прошета кучињата во паркот, но од неа немаше ни трага ни глас. Беше дома сè до пред два или три дена, кога заедно заминаа некаде. Слушнав дека отишле на море за малку да се опорави и да се тргне од сè што ѝ се случуваше. Веројатно ќе посетат и некој манастир, бидејќи сигурно ќе ѝ годи по сè што помина“, изјавиле соседи на пејачката за „Курир“.
