Војводите од Сасекс нема да бидат на балконот на Бакингемската палата на 2 јуни, туку ќе присуствуваат на богослужбата следниот ден во катедралата. И за прв пат по години тие ќе се соочат лице в лице со целото кралско семејство, дознава Дејли Мејл.
Меган и Хари нема да бидат на балконот на Бакингемската палата на настанот Trooping the Color, туку ќе присуствуваат на службата за Денот на благодарноста во петок на 3 јуни во катедралата Свети Павле во Лондон. И за прв пат по повеќе од две години и стотици отровни зборови изговорени против кралското семејство, принцот Хари и Меган Маркл ќе се соочат лице в лице со целото семејство Виндзор.
Од мај пред четири години, војводите повеќе не се сретнале со сите членови на кралското семејство а не присуствуваа ни на важни настани вклучувајќи го и последниот по хронолошки редослед, комеморацијата по смртта на принцот Филип.
Хари и Меган стапнаа заедно на британска почва – непосредно пред Велигден, на пат кон холандските игри Invictus, кога поминаа да ја поздрават кралицата. На средбата присуствувал и принцот Чарлс. Но дури сега, кога ќе пристигнат во Лондон по повод јубилејот за прв пат повторно ќе ги видат Кејт и Вилијам, од Мегксит.
Последната фотографија на која Меган и Хари во друштво на Вилијам и Кејт се појавуваат заедно датира од март 2020 година, на службата за Денот на Комонвелтот. Потоа Хари и Меган го напуштија Лондон и кралското семејство, а двајцата браќа и двете снаи ниеднаш не се сретнаа во текот на полни две години. Две тешки години во кои нивните врски речиси се распаднаа.
