Бред Пит и Анџелина Џоли конечно го решија спорот околу заедничкиот бизнис. За тоа пишува Дејли Мејл.
И 59-годишниот американски актер и 48-годишната актерка се согласија на посредување што може да ги реши нивните проблеми.
Документите поднесени минатата недела во спорот за француско лозје покажуваат дека двете ѕвезди се согласиле на посредување како алтернативен метод за решавање на спорот за Шато Миравал наместо да одат на суд.
Дополнително Бред Пит назначил „привремен администратор“ на Шато Миравал за да ја реши „војната“ меѓу него и руските бизнисмени, на кои Џоли тајно го продаде својот дел од бизнисот.
Холивудскиот актер поставил на клучна позиција за овој бизнис независен човек кој ќе ја процени винарската визба и како ќе се работи понатаму, а тоа на крајот ќе ги олесни разговорите меѓу Пит и инвестициската компанија што неговата поранешна сопруга му ја продаде на Русинот Јури Шефлер.
Француски извор го потврдува потегот, велејќи: „Со оглед на спорот меѓу Nouvel LLC (контролиран од извршниот директор на Столи, Јури Шефлер) и Mondo Bongo LLC (контролиран од Бред Пит), Шато Миравал и неговиот директор побарале и добиле назначување привремен администратор од трговскиот суд Драгуњан (Франција) да им овозможи на компанијата и нејзиниот директор да продолжат да го развиваат бизнисот и неговото важно партнерство со семејството Перин додека не се реши спорот, во интерес на Шато Миравал, неговите директори, вработени, партнери и подружници.”
Пит и Џоли го купија Шато Миравал, имот во јужна Франција, во 2008 година. Потсетуваме дека Бред Пит планира да се пресели во англиско село и да може почесто да ја посетува Франција каде што се наоѓа неговиот винарски бизнис.
