Српската фолк пејачка Светлана Цеца Ражнатовиќ е горда на својата музичка кариера, но нејзина најголема гордост се нејзините деца, Вељко и Анастасија Ражнатовиќ. Таа секогаш јавно нагласувала дека е среќна во какви луѓе пораснале.
Вељко се занимава со бокс и има свој приватен бизнис, додека Анастасија се одлучила за пеење и за инфлуенсерство.
Вељко Ражнатовиќ со сестрата Анастасија посетувал меѓународно основно и средно училиште, а потоа го продолжил своето образование на Кипар, каде што семејството Ражнатовиќ поседува куќа.
Тој во 2019 година дипломирал во Бања Лука и се стекнал со титулата дипломиран економист.
Од друга страна, Анастасија Ражнатовиќ, по завршувањето на средното училиште, се запишала на Деловната школа во Белград.
Вељко Ражнатовиќ во една прилика рекол дека неговиот фокус е на боксот, но дека неговата диплома по економија е добредојдена.
– Сега размислувам само за боксот, тука се гледам себеси во иднина, но никогаш не знаеш каде може да те однесе патот… Дипломата сигурно не смета. Планирам да докторирам, но бокс! На крајот од оваа година или на почетокот на следната, да го освојам појасот на европскиот шампион, Боже здравје. Потоа, ќе го бркам и светскиот трон – рекол тогаш Вељко Ражнатовиќ.
Анастасија во една прилика рекла дека на социјалните мрежи ѝ забележуваат затоа што не објавувала видеа од универзитетот, додека сè уште студирала.
– Понекогаш некој ме критикува што не објавувам фотографии од факултетот на социјалните мрежи, туку само во што сум облечена или снимки од ноќни излегувања. Тоа е затоа што кога сум на универзитет сум фокусирана на предавањата, а не на телефонот – изјавила во една прилика Анастасија, која веќе извесно време живее со својот сопруг, фудбалерот Немања Гудељ во Севиља, Шпанија.
Инаку, Вељко поседува и фарма за свињи. Во склоп на фармата, се наоѓа и приватниот мини-хиподром на Ражнатовиќ, неколку штали за коњи што тој неодамна ги купил.
На фармата е големиот натпис што Вељко го закачиl на шталата, „Со верба во Бог“.
– Имам две фарми, едната работи, а другата наскоро ќе почне со полн капацитет. Едната има капацитет од приближно 450 грла, а онаа на која работам сега ќе има капацитет од 10.000 до 12.000 грла, но на почетокот нема да бидат толку многу. Се занимавам со ова од 2018 година. Отсекогаш сакав да се занимавам со земјоделство, да бидам на село. Меѓутоа, не знаев точно што, дали да чувам крави, пилиња , но не знаев многу за тоа, туку тоа беа некои од моите желби. Мојот тест работи со пилиња, седнав со него. Тогаш ми објасни сè, јас го зедов дигитронот, пресметав и ми се допадна таа математика – рекол Вељко.
