Илина Арсова ја покажа својата мајка со која замина на ова посебно, свето место. По сликата се гледа дека на двете дами им годи заедничкото патување.
Арсова со мајка си замина во манастирот Острог, во Црна Гора, според сликата која ја објави на нејзиниот Инстаграм профил.
Нашата позната планинарка и уметница повремено споделува фотографии од нејзините родители, кои се вистински пример како се одржува љубовта и како се ужива во животот.
Годините не им се никаква пречка да ги прават истите нешта како во младоста. Во една прилика, таа сподели слика од нив како заедно возат велосипед и напиша: „Моите херои“.
Познатата планинарка и уметница се врати од Америка каде што беше неколку години и сподели приказна од Охрид. Арсова на Универзитетот во Тенеси беше на докторски студии и работеше како професор на одделот за кинезиологија, рекреација и спорт.
Последниве објави на Илина се од Македонија и поврзани со Македонија. Таа одамна не објавила нејзина фотографија од Америка. Останува самата да открие дали засекогаш се враќа дома или повторно ќе замине во САД.
