Јелена Спенџарска гените и убаината ги наследила од својата мајка, но и од својата баба. водителката и инфлуенсерка често споделува слики од своето семејство, особено последниве денови, кога е во родното Берово.
На една од сликите, таа сподели како мајката ѝ прави појадок и напишала дека ја чува како кралица. Но, еден спомен од 2023 година, раскажува друга приказна, за баба ѝ на Јелена.
„Од сите книги кои ги имам прочитано за генетика, едноставно знаев дека немам толку поврзаност со мајка ми колку што имам со баба ми. Јас ги продолжувам, а и ги менувам нејзините желби, стравови и размислувања“, рече Јелена, а потоа сподели дел од детството на баба ѝ.
„Баба најмногу сакала да си игра со пенкала, листови, тетратки. Не можам да ви објаснам колку јас обожавам пенкала и тефтери и колку имам дома и колку не жалам пари на нив ако така само ми стојат.
Ова е само еден пример, а имам уште многу“, напишала меѓудругото Спенџарска за баба ѝ која изгледа убаво и негувано.
