Познатиот српски актер Лазар Ристовски е во врска со 39 години помладата колешка Аница Лазиќ со која ја започна својата романса по разводот со Даница Ристовски.
Тие двајца не ја кријат својата љубов, а Аница често објавува неколку заеднички фотографии на Инстаграм.
Младата актерка во јавноста умерено зборува за љубовта кон Ристовски, а неодамна проговори и за венчавката и љубовта со Лазар.
– Јас многу не фантазирав за венчавка кога бев девојче, ниту денес тоа ми е многу важно. Јас тоа повеќе го гледам како форма, а мене поважна ми е суштината. Ние жените сакаме да носиме венчаници. Не страдам за тоа да се омажам, поважно ми е да ја живеам суштината на љубовта, а тоа веќе го имам, му благодарам на Господ – рекла таа.
Аница се соочи со големи осуди, но јасно и гласно застана во одбрана на љубовта. Како што вели, негативните коментари уште повеќе ја зацврстиле.
– Си дадов ветување дека ќе бидам храбра во љубовта, нема да дозволам да бидам кукавица и секогаш ќе го правам она што го бара моето срце – изјавила тогаш таа во емисијата „Премиера“.
– Од мала се дружам со постари од мене. Сакам да ги слушам нивните искуства и да ја набљудувам нивната мудрост. Иако ги посетував најдобрите училишта во Белград, никогаш не го сакав училиштето, а сега знам и зошто. Таа не ми даде одговори на прашањата што мене ме интересираа. Не ми даде слобода, не ми ја разбуди креативноста. Не ми се допаѓаше некој друг да ми кажува кога да седнам, кога да станам, кога можам да одам на одмор, а кога да одам дома. Најмногу од сè ми пречеше седењето во клупа со часови. Секогаш бев одлична ученичка, но тоа не ми причинуваше многу радост“, изјавила, меѓу другото, во споменатата колумна.
