Холивудскиот актер Том Круз и актерката Џоан Колинс се последните во низата ѕвездени имиња кои ќе присуствуваат на концертот во чест на крунисувањето на Чарлс Трети на 7 мај, пишува „Би-би-си“. Авантуристот Бер Грилс и Сер Том Џонс, исто така, ќе им се придружат во претходно снимените сцени за да го прослават крунисувањето на кралот и кралицата. Концертот во недела на 7 мај ќе се одржи во замокот Виндзор пред 20.000 луѓе, а ќе го пренесува телевизијата и радиото „Би-Би-Си“.
Ќе бидат претставени и претходно снимени видеа за кои се вели дека откриваат помалку познати факти за монархот.
Концертот ги вклучува и Take That, Кети Пери, Лајонел Ричи, како и класични уметници меѓу кои Андреа Бочели и велшкиот бас-баритон Сер Брин Терфел. Ќе присуствуваат и музичарите Палома Фејт, Оли Мурс, рок гитаристот Стив Винвуд, Никол Шерцингер од Пусикет Долс и кинескиот пијанист Ланг Ланг, заедно со нигерискиот пејач и текстописец Твин Севиџ, потоа диџејот Пит Тонг и победникот на популарната емисија „Британија има талент“. Холивудската ѕвезда Сонам Капур исто така ќе се појави со говор.
– Со неверојатната позадина на замокот Виндзор, тоа ќе биде вечер полна со незаборавни моменти во кои ќе можат да уживаат нивните височества и сите во Обединетото Кралство – најави Кејт Филипс, директорка на Би-Би-Си.
Покрај овие вести, Бакингемската палата објави три нови официјални портрети на кралот Чарлс и неовата сопруга Камила.
Крунисувањето на кралот ќе се случува следната сабота.
