Поранешниот персонал на палатата вели дека Мидлтон се предозирал со апчиња за спиење вечерта на 28 декември и оттогаш не е видена.
Поранешни вработени во кралската палата, куќна помошничка и чувар тврдат дека Кејт Мидлтон паднала во кома откако испила прекумерна доза апчиња за спиење. Информацијата ја објавија бројни корисници на социјалната платформа Икс, поранешен Твитер.
„Во раните вечерни часови на 28 декември по чајот, ја најдовме онесвестена во нејзината соба и итно беше пренесена во болница. Никогаш повеќе не ја видовме“, откриле поранешните членови на персоналот кои се грижеле за кралскиот пар.
Од палатата се уште нема соопштение за оваа прилика, што дополнително ги подгрева гласините, бидејќи многу брзо реагираше на првите наводи од ваков тип. Станува збор за тврдењата на шпанската новинарка Конча Калеха која уште во јануари во популарната информативна програма Фисета обелодени дека принцезата од Велс е во кома. Но, во нејзината верзија, Мидлтон се нашла во коматозна состојба по операција на абдоменот, односно поради компликациите што ја придружувале.
– Лекарите во тој момент мораа да донесат драстични одлуки поради компликациите кои настанаа – рекла новинарката повикувајќи се на извор од болницата во која била оперирана принцезата.
– Одлуката беше да ја стават во индуцирана кома. Мораа да ја интубираат. Имаше сериозни компликации, кои не ги очекуваа бидејќи операцијата помина добро, но постоперативниот период не помина толку добро. Животот на Кејт беше во голема опасност по операцијата и практично целата болница беше на нозе – изјави новинарката чиј извештај го пренесоа речиси сите шпански медиуми.
