Ноне Неделковска раскажа интимна приказна за својата посилна половина и за своите идни планови.
Шармантната пејачка од Велес, која одамна не е многу активна во музиката, и веќе 12 години работи на бродови, наполни 39 години. По повод својот роденден, Ноне раскажа личен дел од својата животна приказна:
-Имав среќа да посетам 75 земји, прво преку мојата музичка кариера , а потоа работејќи на крстосувачки бродови – најдобрата одлука во мојот живот!
Светот ми даде повеќе од само знаменитости – ми даде лекции, перспективи и подлабока љубов кон луѓето насекаде. Ниту една фотографија или видео не може да ги долови емоциите од тоа што го гледам со свои очи.
Патувањето ме трансформираше, го обликуваше начинот на кој го гледам животот и ме направи подобра личност.
Преостанатите делови од светот, сонувам да ги истражам со мојата посилна половина и, ако Бог даде, со моите деца. За авантурите зад мене и за оние што сè уште ме чекаат“, напиша велешанката на Фејсбук.
