Пејачката Неда Украден одамна го прифати овој дигитален тренд, свесна дека е речиси невозможно да се функционира во забавната индустрија денес без сериозно присуство социјалните мрежи.
Гостувајќи во емисијата „Гранд Специјал“, Неда Украден зборуваше за новите правила на шоу-бизнисот и откри кој стои зад нејзините профили.
– Без тоа, денес нема функционирање и нема работа. Јас работам сама, понекогаш ќерка ми ми помага. Социјалните мрежи се многу важни, мора да се рекламира, многу организатори бараат видео најави за гостувања – призна пејачката.
Сепак, иако е свесна дека маркетингот на интернет е неопходен, Неда реши да ја открие суровата вистина на забавната индустрија и да испрати јасна порака до сите оние кои мислат дека лајковите се доволни за успех.
Таа нагласи дека виртуелниот свет не може да го замени вистинскиот талент и сериозната работа на сцената.
– И да дотераш за „социјалните мрежи да горат“, сепак мора да застанете на сцената и да пеете нешто. Не нешто, туку двочасовен концерт. Во мојот случај, најважно кога ќе излезете на сцената е да имате што да пеете. Џабе фустаните, џабе сè – рекла Неда, јасно ставајќи до знаење што е сè уште клучно за опстанок во музичкиот свет.
