Неда Украден сподели тажна вест со своите следбеници – починал близок семеен пријател. Со трогателна објава на социјалните мрежи таа се прости од Александар „Ацо“ Миновиќ, татко на нејзиниот зет Предраг „Пеца“ Миновиќ.
View this post on Instagram
„Нè напушти нашиот драг Александар – Ацо Миновиќ, мој драг пријател и татко на мојот зет Пеца“, напиша таа на почетокот од објавата.
Таа го опиша како човек исполнет со љубов и почит кон своето семејство, како и исклучително посветен работник. Според неа, Миновиќ бил „вреден и совесен работник кој 40 години, без ниту еден ден отсуство, ѝ се посветил на ‘Политика’“, со што му оддаде почит за неговата долга новинарска кариера во познатиот белградски дневен весник.
„Таа благост, разбирање и внимание ќе им недостига на сите што ги остави зад себе. Патувај со ангелите, драг Ацо“, напиша таа на крајот од емотивната порака.
Неда Украден никогаш не криела колку ѝ значи семејството, а својот зет Предраг често го нарекувала како свој син.
