Здравко Чолиќ отворено зборуваше за односот со своите ќерки Уна и Лара, истакнувајќи дека, иако се многу поврзани, не секогаш се согласува со нивните навики.
Неговата постара ќерка Уна неодамна привлече внимание на социјалните мрежи со нови фотографии, на кои се забележува промена во изгледот, што предизвика бројни реакции.
Чолиќ признава дека ќерките се разгалени, но смета дека тоа е разбирливо со оглед на условите во кои растат. Сепак, додава дека очекувал повеќе од нив.
„Не сум премногу строг, но знам да бидам кога треба. Им велам дека се разгалени… но и јас би бил таков на нивно место“, вели тој.
Пејачот посочува дека се труди да најде баланс меѓу дисциплината и слободата, но признава дека тоа не е лесно.
Особено се осврна на навиката на Уна постојано да се фотографира и да објавува на социјалните мрежи, нешто што нему не му е блиско.
„Не го сакам тоа, но не можам да ѝ забранам. Тоа е ново време“, вели Чолиќ, додавајќи дека денешниот начин на живот е сосема поинаков од порано.
И покрај разликите, тој нагласува дека сака неговите ќерки да работат на себе и да стекнат животно искуство, но верува дека судбината секогаш си го наоѓа патот.
