Српската пејачка Неда Украден има бројни обожаватели низ регионот, а со некои од нив е во постојан контакт.
Една нејзина обожавателка, 30-годишната Андреја, неодамна го истетовирала името на 71-годишната Неда Украден, нејзината омилена пејачка на раката и на тој начин ѝ оддала посебно признание, а Украден прикладно ѝ возвратила, пренесуваат српските медиуми.
Андреја ја поканила Неда на својата свадба, но мислела дека нема да може да дојде поради обврски и големата оддалеченост. Украден ја изненадила и поминала дури 1000 километри за да стигне на големиот ден на нејзината голема обожавателка.
На венчавката Неда одржала говор, и ја трогнала невестата, како и сите гости.
– За мене е огромно задоволство што сум дел од оваа прослава, оваа прекрасна церемонија на нашата драга Андреја, која имаше голема желба да ѝ бидам гостинка на свадбата. Ако ми верувате, денеска поминав 1000 километри, не сакав да ја разочарам, знам колку и значи овој ден – изјави Неда.
