Пејачката Емина Јаховиќ го загубила својот татко Нусрет уште како дете, а неговото заминување оставил длабок белег во нејзиниот живот.
Нејзиниот татко бил почитуван кардиолог и личност кон која Емина била многу приврзана.
Тој починал како последица на срцев удар, кога пејачката беше во раното детство, а во една пригода таа открила детали за својата голема траума, пишува „Нова“.
– Јас сум јетим… На турски јазик тоа значи кога детето е сирак, кога останува без татко или мајка во некои рани години. Мојот татко си замина многу рано, јас бев мало девојче… Се сеќавам на мојот татко – рекла Емина во една пригода.
– Тој го доживеа својот прв срцев удар, се сеќавам, кога тој и јас бевме сами во куќата. Тоа беше ужасна траума за мене како дете. Знам дека беше во моите раце цело време кога падна, само му реков да се разбуди… Ми беше ужасно тешко. Смртта на родител кога детето е мало предизвикува голема траума. Детето не е свесно за моментот на болка. Кога си постар, тоа е болка, но проаѓа, се прифаќа. Кога си дете, тоа останува со тебе до крајот на животот. Ова многу влијае на твоите избори, на твојот карактер, на твоите стравови – истакнала пејачката тогаш.
– Мојот татко беше мојата најголема љубов. Не поминува ден, а да не се сетам на него. Многу, многу ми недостига. Другиот ден бев на свадба, видов невеста, една од моите братучетки, која изгледа прекрасно, како танцува со својот татко на подиумот. Реков: „Драг Боже, никогаш не сум доживеала нешто вакво, нешто вакво постои“ – заклучила пејачката.
Таа открила дека секогаш се натажува и ѝ се плаче кога зборува за нејзиниот татко, но вели дека е свесна дека тој е секогаш покрај неа и дека само физичкото тело си заминува.
