Познатиот композитор Дејан Костиќ, кој стои зад некои од најголемите хитови на Александра Пријовиќ како „Дам дам дам“, „Психо“ и „Марш“, конечно ги откри деталите за прекинот на нивната соработка. Гостувајќи во емисијата „Амиџи шоу“, Костиќ стави крај на шпекулациите и објасни зошто патиштата со моментално најпопуларната фолк-ѕвезда им се разидоа.
Иако нивната заедничка работа донесе огромен успех, Дејан истакна дека главната причина за прекин на соработката е недостигот на заедничка визија и енергија.
„Енергијата не ни се поклопи, ниту погледите на идните деловни чекори. Не знам зошто се крена толку голема прашина, има толку многу автори и пејачи… Не сме се скарале, нормално комуницираме, но едноставно дојде до презаситување“, објасни композиторот.
Костиќ, кој сега интензивно соработува со Цеца Ражнатовиќ и Бресквица, нагласи дека неговиот нов ангажман кај најголемата балканска ѕвезда нема врска со прекинот кај Пријовиќ.
„Причината е само лоша енергија поради некои ‘икс’ ситуации. Не е поради Цеца… Јас сум зависник од добра енергија, а таа кај Цеца е феноменална. На крајот, публиката е таа што ќе суди кога ќе ги слушнете новите песни“, додаде тој.
Дејан Костиќ, кој работеше и на новиот албум на Анџела Игњатовиќ Бресквица, порача дека не е суетен и дека како продуцент секогаш гледа да го извлече најдоброто од артистот, но само доколку постои меѓусебно разбирање.
