Наташа Беквалац, позната и како „новосадска барбика“, често знае да се пошегува на своја сметка, а овој пат отворено проговори за финансиските предизвици со кои се соочува.
Таа искрено призна дека ситуацијата не е добра и дека станува сè полоша.
„Ситуацијата се влоши, кога станува збор за финансиските проблеми. Сè е полошо. Кој знае дали ќе завршам во затвор. Се надевам дека нема да завршам во лудница, тоа ми е многу поважно“, изјави Наташа за телевизијата „Хајп“.
Да потсетиме, нејзината сестра Кристина Беквалац, која воедно е и нејзин близок соработник, неодамна зборуваше за нејзините несигурности.
„Често се караме, пред сè затоа што таа постојано мисли дека има многу целулит и секогаш сака да носи три тони некакви чорапи, што мене многу ме нервира“, раскажа таа. И покрај овие мали несогласувања околу стилот, Кристина на крајот имаше само пофални зборови за пејачката:
„Генерално, таа навистина е мојот најпрекрасен клиент и повеќе ми е од сестра, па еве да ја пофалам.“
