Драгомир Деспиќ Десингерица отворено проговори за колегите од естрадата, музиката што ја слуша приватно, како и за пороците на кои, како што вели, во моментов не им е склон.
Раперот не сакаше да издвојува никого како најсимпатичен, нагласувајќи дека го почитува трудот на сите.
„Со сите од естрадата комуницирам. Не би издвоил никого, ничиј труд – штом се таму, значи дека добро работат. Секој се бори за себе, го почитувам сечиј труд, не би делел. Слушам сè, и странско и домашно. Во кола знам да пуштам нешто што можеби е и непознато, таа енергија ме носи. Понекогаш сакам да пуштам и Ју-екс рок или Ѓорѓе Балашевиќ“, изјави тој.
Деспиќ се осврна и на пријателството со Бака Прасе, истакнувајќи дека се во одлични односи.
„Бака и јас сме вистинска бомба. Многу сме блиски, постојано се слушаме и разговараме. Навистина го сакам, искрено да ти кажам, нема ништо лошо. Неодамна купувавме автомобили и двајцата, па малку си правевме муабет“, рече Десингерица.
Тој откри дека не е приврзаник на пороци и дека музиката целосно го смирила.
„Не пијам, не користам дроги. Порано имаше сè и сешто, но денес немам време. Убаво кажав – музиката многу ме смири. Да не се случеше музиката, ќе бев мртов до 25 години. Можеби и би правел глупости, но немам време“, се пошегува Десингерица.
