Српската пејачка Наташа Беквалац го издаде својот нов албум насловен „Мама“. На него претстави 10 нови песни, за кои, како што вели, носат посебна емоција и зборуваат за нејзината интимност. Во оваа пригода, таа за порталот „Директно“ зборува за сè што се случувало во нејзиниот живот во последните девет години откако последен пат снимила песни.
На почетокот, таа откри како го смислила името за својот нов албум. „Кога дојде време да го именувам албумот, се двоумев помеѓу „Наташа“, бидејќи тоа е моето име и има песна со тоа име. „Мама“ е некако универзално за тоа каква сум јас навистина. Јас сум мајка на моите деца, но тоа е и моја животна обврска. Знам дека зборот „мама“ има интензивно значење за секого и не може никого да остави рамнодушен.
Овој албум е можеби најемотивното дело на Наташа досега, а на овие 10 песни таа целосно ја открива својата душа пред публиката. „Прво, се открив пред себе, и тоа ми беше најтешкото нешто. Кога се почувствував безбедно меѓу моите соработници и пријатели кои работеа на албумот, сфатив дека најдобриот начин за мене е да бидам отворена. Сите сме слични, особено кога станува збор за жените. Уморна сум од носење маска и преправање. Во фаза сум кога тоа повеќе не ме интересира. Најголемото губење време е трошењето време во улога што не е твоја, па затоа решив да се насочам кон поискрено и поквалитетно водење живот. Многу се плашев како луѓето ќе го прифатат тоа бидејќи ова не е комерцијален албум, но се покажа дека она што е најискрено е и најдобро“, објасни популарната пејачка.
