Што се случи со Доналд Трамп? Сигурни сме дека никој навистина не го поставува ова прашање, зашто за многумина, како што е познато, Доналд Трамп беше тажно поглавје во американската историја, особено кога станува збор за користеето на социјалните мрежи. Но, зошто поранешниот претседателсосема исчезна од социјалните мрежи?
Ако за време на неговото претседателствување беше крал на твитер и фејсбук со неговите објави секогаш на граница на толеранцијата, денес Донал Трамп практично е дух на социјалните медиуми од времето на крајот на неговиот мандат, непосредно пред да биде заменет од актуелниот претседател Џо Бајден. По некои твитови и контроверзни објави на социјалните медиуми, соодветните извршни директори одлучија да воведат трајна забрана за неговите профили. Ова всушност објаснува зошто повеќе тој „не е во мода“ на најпопуларните социјални медиуми. Сепак, се чини дека Фејсбук одлучи да ја намали забраната на времетраење од две години и се проценува дека може да се врати од 7 јануари 2023 година.
И покрај оваа одлука, веќе е кажано дека ако Трамп се врати на вообичаените однесувања ќе бидат применети различни санкции што очигледно ќе завршат со трајна забрана.
Потпретседателот на Фејсбук за глобални прашања, Ник Клег беше категоричен во врска со тоа: „Кога ја оценуваме содржината според вредноста на вестите, нема да ги третираме различно содржините објавени од политичарите од содржината објавена од некој друг“.
Социјалната мрежа на Трамп му пропадна
Поранешниот претседател, сепак, не сакаше да чека од некого да му зависи надежта дали ќе се врати на социјалните мрежи и одлучи да си направи негова, лична социјална мрежа наречена „The Desk of Donald J. Trump“ која би била воедно и своевиден билтен за сите поддржувачи на неговиот лик и дело.
Но, штета… Оваа фантомска социјална мрежа имаше многу краток животен век, дури ни еден месец, и веднаш беше затворена. Причината за неуспехот си најде свој изговор. А тој беше дека неговата лична мрежа била само генерална проба во пресрет на следните избори закажани за 2024 година.
