Фолк-пејачот Дарко Лазиќ ги сумираше впечатоците од тазе одржаниот Шабачки собор и во отворен разговор говореше за својот брак со сопругата Катарина, односот со поранешните партнерки, децата, но ги коментираше и гласините дека долгогодишниот бенд го напуштил.
Големо изненадување за сите беше кога неговата сопруга Катарина зеде микрофон за време на настапот, но Лазиќ брзо стави крај на шпекулациите за нејзина кариера:
„Каќа пееше порано, но престана одамна. Дует не доаѓа предвид, бев краток и јасен околу тоа. Може да пее дома. Таа толку се занесе што рече: ‘Ете гледаш, не е лошо, можеме да работиме заедно’, но јас само реков — не“.
Пејачот ги демантираше и приказните дека бендот си заминал од него поради судир, објаснувајќи дека едноставно се разишле бидејќи некои работи веќе не се поклопувале, додавајќи дека останале во добри односи.
Лазиќ зборувае и за семејниот живот, истакнувајќи дека неговите ќерки Лорена и Срна се многу талентирани за музика, додека синот Алексеј повеќе го влече спортот, што посебно го радува. За односот со сопругата истакна дека се пронашле во сè и дека по сите грешки во минатото, конечно пронашол мир и стабилност.
