Деловната острина на поранешниот американски претседател се манифестираше и во жалниот дел од животот. Така, Доналд Трамп ја погреба својата поранешна сопруга Ивана на терен за голф. Со тоа, тој тројно ги зголемил даночните заштеди и ги поставил темелите за иднината на комерцијалниот мавзолеј.
Тоа е затоа што земјиштето во Њу Џерси наменето за користење како гробишта не подлежи на данок на имот, данок на доход или данок на промет. Како резултат на тоа, Трамп плаќа само 16,31 долари годишно данок на парцелата, пишува Дејли Мејл.
Но, погребот на Ивана е само почеток на погребалниот бизнис на Трамп. На ова место тој планира да изгради свој мавзолеј, каде ќе почиваат до 300 луѓе. Вклучувајќи ги и играчите на Трамп Кантри голф клуб.
Доналд Трамп првпат ја објави својата намера да направи Бедминстер семејни гробишта во 2007 година.
Оригиналниот план за гробиштата предвидуваше мавзолеј на семејството Трамп со олтар, шест сводови и четири камени обелиси високи 19 метри. Подоцна беше одлучено да се претвори во комерцијален проект. Цената на едно место во мавзолејот на Трамп изнесува 300.000 долари.
