Како тинејџерка, Чери Луиз, која ја загубила ногата откако ѝ бил дијагностициран рак на коските, се борела со тоа што привлекува внимание. Меѓутоа, во своите 20-ти години сфатила дека нејзиниот хендикеп секогаш ќе привлекува внимание, па одлучила да го искористи на попозитивен начин, пишува „Дејли Мејл“.
29-годишната Чери ја започнала својата манекенска кариера и снимала кампањи за големи брендови, како што се „Bluebelle“ и „Modibodi“. Своите фотографии започнала да ги споделува на социјалните мрежи, но некои почнале да ја обвинуваат дека лажира попреченост поради „лајкови“.
View this post on Instagram
„Луѓето на социјалните мрежи често ме обвинуваа дека го лажирам мојот инвалидитет и тврдат дека користам „фотошоп“ за да ја избришам ногата за да добијам внимание“, вели таа, додавајќи дека честопати како доказ го наведувале одразот на нешто што го виделе на подот.
View this post on Instagram
„За мене тоа е прилично непријатно, со оглед на сè што поминав за да преживеам и да стигнам до моментот каде што сум сега, а потоа ме обвинуваат дека сè е лажно и фотошопирано“, призна Чери.
Никогаш не верувала дека ќе се вработи, заљуби или дека ќе има семејство, бидејќи никогаш не запознала некој кој исто така има ампутирана нога.
„Имав безброј ноќи во кои плачев над фотографиите на кои бев пред ампутацијата, прашувајќи се зошто ми се случи тоа, посакувајќи еден ден да се разбудам и повторно да имам две нозе“, вели таа.
View this post on Instagram
Своето мислење во поглед на инвалидитетот го променила во дваесеттите години, кога сфатила дека луѓето секогаш ќе ја гледаат, па зошто да дозволи несаканото внимание да ја спречи да го прави она што го сака.
„Социјалните медиуми всушност одиграа голема улога во стекнувањето самодоверба, бидејќи открив дека колку што повеќе објавувам, толку помалку се грижам за тоа како луѓето ќе реагираат на мене“, раскажува Чери.
View this post on Instagram
На социјалната мрежа „Инстаграм“ нашла модел со ист проблем, а таа ѝ помогнала да отфрли некои од нејзините стравови.
„Се сеќавам дека објавуваше фотографии во костими за капење, па дури и фотографии каде што се видливи нејзините лузни. Иако споделив многу мои фотографии, никогаш не бев доволно храбра да споделам нешто како фотографија во костим за капење. По нејзините фотографии, отфрлив некои од моите стравови“, откри таа.
Како тинејџерка, сфатила дека нејзиниот сон е да работи во светот на модата.
„На 16 години отидов на модно училиште и така започнав со моделирање, а на 20 години се преселив во Мелбурн за да продолжам да се занимавам со стилизирање“, вели таа.
View this post on Instagram
Нејзината прва официјална задача била за брендот за долна облека „Bluebella“. Чери, исто така, сакала да ја искористи својата работа за да ги претставува сите луѓе со попреченост.
„Знам дека најлесниот начин да го направите тоа е со ширење на сопствените слики и ширење на точниот приказ на лицата со попреченост. Се надевам дека ќе ме видат деца со попреченост кои не се сигурни што им носи иднината. Сакам да се пробијам во индустриите што измислија приказни за нас, наместо да дозволат самите да ги раскажеме“, заклучила таа.
