Руски олигарх починал во мистериозни околности, а руските медиуми јавуваат дека тој паднал по скали на 9 декември во градот Антиб на француската ривиера.
Педесетгодишниот Дмитри Зеленов ко-основач на Дон-Строј, некогаш една од најважните компании во Москва за инвестирање и развој во недвижности бил на вечера со пријатели кога почнал да се чувствува лошо. После тоа, тој наводно паднал по скалите и се здобил со смртоносни повреди на главата, според рускиот весник „База“ .
Зеленов бил пренесен во болница, но лекарите не успеале да го спасат.
Според „Телеграм“, Зеленов неколку недели пред смртта бил опериран поради срцев проблем.
Зеленов беше и на листата на Форбс на најбогати Руси до 2008 година, кога Дон-Строј претрпе значителни финансиски загуби поради финансиската криза.
