Денес одекна веста дека почина Владимир Блажев – Панчо од дуото „ДНК“, кој седум месеци по страшниот пожар во дискотеката „Пулс“ во Кочани подлегна на повредите.
Македонската естрада преку социјалните мрежи се простува од нивниот пријател, другар, соработник, познаник…
Водителката и инфлуенсерка Миа Костова, една од многуте блиски луѓе на Панчо се прости од својот долгогодишен пријател, објавувајќи две заеднички фотографии.
„Џуџе мое, многу ќе ми фалиш“ и „Широко небо Панчо. Не наоѓам зборови џуџе, мислев нема да се дадеш“, напиша таа покрај фотографиите.
