Виктор Ристовиќ, попознат како Миша Гроф, татко на покојниот Видое Ристовиќ, остро ги отфрли и демантираше последните тврдења на поранешната снаа Николина Пишек дека во бракот трпела физичко и психичко насилство.
Откако Николина во еден подкаст изјави дека покојниот сопруг ја малтретирал и дека дури ставил пиштол на маса кога таа сакала да зборува за развод, нејзиниот поранешен свекор реагираше негирајќи ги сите наводи:
„Таа него да го остави? Николина никогаш не сакаше да го остави Видое. Тој неа да ја удари? Боже сочувај, зошто не кажа порано? Поминаа години откако тој замина, а цело време зборуваше дека тоа беше најголемата љубов“, изјави Миша Гроф.
Тој категорично ги демантираше тврдењата за пиштолот и физичкиот напад, додавајќи дека неговиот син немал такво однесување:
„Каков пиштол, тоа никогаш! Тој неа не ја тепаше. Видое мравка не би згазнал, тој ја обожаваше. Сега тоа го прави сигурно поради новиот вереник, па прави драма“, порача Ристовиќ, истакнувајќи дека сè уште е во контакт со неа и не разбира зошто ваквите приказни излегуваат во јавноста.
