Пејачката Мина Костиќ имала исклучително тежок живот, а неодамна јавно проговори за семејната трагедија што засекогаш ја обележала – смртта на нејзината помлада сестра.
„Сестра ми се викаше Нада и имаше само 13 години. Најтешкото е што јас во тој период секоја вечер пеев на истиот сплав. Тој ден јас бев на Ада со друштво, а таа со другарки. Влегла во вода и ја повлекол вир. Дојдоа да ни кажат дека мораме веднаш дома, дека ѝ се случило нешто на сестра ми. Кога ја видов модра, бев во шок. Не можев ни да плачам, ми беше премногу тешко“, раскажа Мина со солзи во очите.
Таа откри и дека по трагедијата за првпат во животот направила подолга пауза од настапи.
„Еден месец не работев, што никогаш дотогаш не ми се случило. Но морав да продолжам, од нешто требаше да живееме. Тогаш за првпат помислив да си го одземам животот. Сепак, знаев дека со тоа би им нанела огромна болка на родителите и дека би направила грев. Се обвинувам себеси што тој ден бев на тој сплав“, изјави пејачката во интервју за „Хајп“.
Мина неодамна зборуваше и за семејните тајни и односот со жената која ја одгледувала, признавајќи дека со години живеела во заблуда дека е посвоена, но дека најважно ѝ е што љубовта од родителите и браќата и сестрите никогаш не ѝ била ускратена.
