Пејачката Мина Костиќ, по престојот во Специјалната психијатриска болница „Д-р Лаза Лазаревиќ“, повторно му се враќа на секојдневниот живот. Во изминатиот период најголема поддршка ѝ бил нејзиниот партнер Мане Ќурувија Каспер, кој постојано е покрај неа.
По неодамнешното патување и одморот на море, двојката се вратила во Белград, а слободното време го користи за заеднички прошетки. Викендот го поминале на Земунскиот кеј, каде што уживале покрај реката.
Каспер на социјалните мрежи објави неколку фотографии од Мина, а објавата ја придружи со емотивна порака во која откри што му одговорила непосредно пред да ја фотографира.
„Оваа фотографија е направена во моментот кога, непосредно пред да ја фотографирам, ја прашав како се чувствува и дали има некаква желба. Ми одговори дека сè што чувствува и што им посакува на нас двајцата, им го посакува и на сите добри луѓе во светот… Една е Мина“, напиша тој.
Да потсетиме, пејачката неодамна ја напушти Специјалната психијатриска болница „Д-р Лаза Лазаревиќ“, каде што помина 23 дена. Нејзината здравствена состојба во тој период предизвика големо внимание во јавноста.
По враќањето дома, соседите за српските медиуми изјавија дека Мина извесно време не излегувала од станот и дека постојано била во друштво на својот партнер.
„Мина не ја видовме откако беше пуштена од болница. Откако се врати, не излегуваше од станот. Цело време со неа беше Каспер. Тој повремено излегуваше за да ги прошета кучињата, но од неа немаше ни трага ни глас. Неколку дена подоцна заминаа заедно некаде. Слушнавме дека отпатувале на море за малку да се опорави и да се тргне од сè што помина. Веројатно ќе посетат и некој манастир, бидејќи тоа сигурно ќе ѝ годи по сè што преживеа“, изјавиле соседите.
