Мина Костиќ наскоро ќе застане на „лудиот камен“ – пејачката откри дека годинава планира свадба со својот партнер Мане Ќурурвија Каспер.
Тој ја побара за жена пред околу три месеци, и тоа јавно, во емисијата „Амиџи шоу“, по што многумина со нетрпение очекуваа кога ќе го кажат судбоносното „да“. Сепак, откако Каспер се врати во Америка, повторно се појавија сомнежи во јавноста за сериозноста на неговите намери.
Мина сега открива дека свадбата сепак ќе се случи и тоа уште оваа година. Таа најави дека најпрво ќе отпатува во Америка, каде планира и настапи, по што заедно со партнерот ќе се вратат.
– Планот е да одам таму и да направам некоја турнеја. Потоа ќе дојдеме заедно и, ако даде Бог, се надевам дека до крајот на годината ќе има свадба, како и концерт во Сава центар. Имам многу планови, но не сакам сè да откривам – изјави таа.
Пејачката откри и каква свадба посакува:
– Би сакала да биде некаде во природа, опуштено и убаво. Секако, сè во бело – рече Мина.
Таа се осврна и на темата за проширување на семејството. Иако претходно споменуваше дека размислуваат за дете и можност за вештачко оплодување, сега вели дека ќе остави работите да се одвиваат природно.
– Реков дека би сакала да родам уште едно дете, многу ги сакам децата, а и поради него, бидејќи тој нема. Но, ако биде – ќе биде. Ако не, ќе пробам со вештачко оплодување, а ако не успее ни така – што да се прави. Јас веќе имам дете, а тој многу ја сака Анастасија – изјави таа.
