Пејачката Милица Тодоровиќ синоќа беше гостинка на еден настан во Белград, каде што се појави во елегантна црна тоалета и со насмевка на лицето.
Таа се сретна и со својот поранешен емотивен партнер, Милош Пауновиќ, со кого се фотографираше и откри дека денес се во одлични односи.
Иако се породи во февруари, Милица веќе се врати на настапите, но открива дека разделувањето од синот воопшто не ѝ паѓа лесно:
– Мојата работа не простува и многу е тешко да се бориш со хормоните и постпородилниот период. Се породив пред седум месеци и си велам: „Мицо, мораш, тоа е твојата работа!“ Морам да признаам дека е голем предизвик, но оваа среќа што ја имам дома е немерлива. Коментарите веќе не ги читам, прочитав сè во овие седум месеци. Повеќе не ме погодуваат, дури ги отвораав и насловите за да видам што сум направила ново денес – се насмеа пејачката, пишува „Телеграф“.
– Дојдов да ги видам овие убави девојки за да ме мотивираат и јас малку да вежбам – додаде Милица, па се осврна на периодот кога почнувала, како и на коментарите што тогаш ги добивала.
– Бев дете и сето тоа е тешко кога си дете. Сè ти е ново: доаѓаш во Крушевац од Белград. Еднаш влегов во шминкерницата и им реков „добра вечер“ на шминкерите, а никој не ми одговори. Цела ноќ плачев и ѝ се јавив на мајка ми. Потоа сфатив дека таму е помала средина и дека луѓето се топли, а овде луѓето си гледаат за себе – рече Милица, па се присети на првите денови по породувањето и на коментарите од колегите:
– Тогаш си преокупиран со детето и важно ти е само дали нешто те боли, многу е предизвикувачки. Единствено што не ме оставивте ниту еден ден на мира со бебето, но сè ви простувам. Од човечка страна ми е жал. Немојте сега, би сакала да бидам весела – ја прекина Милица темата, пренесува „Телеграф“.
