Пејачката Милица Павловиќ на своите следбеници им го претстави новиот член на семејството – преслатко кученце од расата тој пудла по име Ру.
Популарната пејачка сподели фотографии од својата нова миленичка на социјалните мрежи и откри дека малото куче за многу кратко време станало важен дел од нејзиниот живот.
„И така… Во мојот живот влезе едно мало суштество и го промени засекогаш. Таа не бара ништо освен малку мое внимание и љубов, но за возврат, спротивно од реалноста во која живееме, го дава највредното – искрена, чиста и безусловна љубов. Сопатничке на мојата душа, тивка чуварке на сите мои радости и солзи, ти благодарам што си тука… Ру“, напиша Милица покрај фотографиите.
Пејачката не крие дека новата миленичка внела многу радост во нејзиното секојдневие, а објавата предизвика бројни позитивни реакции од нејзините обожаватели.
View this post on Instagram
Милица често зборува и за своето потекло и за родното село Буниброд, кое има посебно место во нејзиното срце.
„Тоа е мало место, сите се познаваме, се дружиме и се почитуваме. Луѓето се искрени, ведри, топли и добронамерни. Кога ќе одам таму, се потсетувам што значи да се биде добар човек. Штом ќе дознаат дека сум пристигнала, соседите еден по еден доаѓаат да ме поздрават и да ми раскажат што има ново. Секогаш носат колачи, пита или нешто што сами го подготвиле“, изјавила таа во една прилика.
Според неа, една од најголемите животни благослови е да имаш луѓе кои те познаваат вистински и те сакаат токму поради тоа што си.
