56-годишниот американски актер Мет Лебланк, кој ја играше улогата на Џои во ТВ серијата „Пријатели“, пријател на Чендлер, за прв пат проговори по ненадејната смрт на Метју Пери.
Мет Лебланк на својот Инстаграм профил објави порака во која му се обраќа на својот покоен пријател со голема тага.
„Метју, со тешко срце се збогувам. Времето што го поминавме заедно е искрено некои од омилените моменти во мојот живот. Ми беше чест да ја споделувам сцената со тебе и да те наречам мој пријател. Секогаш ќе се насмевнувам кога мислам на тебе и никогаш нема да те заборавам. Никогаш. Рашири ги крилјата и летај, брат, конечно си слободен. Многу љубов”, напиша актерот.
Тој се пошегува и за долгот кој Метју Пери му го должел и кој никогаш не му го вратил.
„И мислам дека ги задржи 20-те долари што ми ги должеше“, додаде Лебланк.
View this post on Instagram
Ова е прва јавна изјава на актерот по смртта на Пери. Во првите денови од страшната вест, кога светот беше шокиран од смртта на Метју Пери, ниту еден член од ѕвездената екипа на „Пријатели“ не даде официјална изјава. По прошталната церемонија, актерките дадоа заедничка изјава дека тешко ја поднесуваат загубата на пријателот, па сакаа засега да молчат.
Смртта на 55-годишниот Метју Пери беше големо изненадување за милиони гледачи на „Пријатели“. Безживотното тело на актерот беше пронајдено во џакузи. Според различни верзии, причина за смртта би можела да биде давење во вода, дека имал срцев удар, дека се работи за самоубиство, а можно е и предозирање со дрога. Сепак, и покрај гласините, пријателите на актерот не ја коментираа причината за смртта на Пери.
