Меган Маркл, сопругата на принцот Хари, за прв пат проговори за смртта на кралицата Елизабета, откривајќи дека тоа било „комплицирано време“ за нив.
„Почувствувавме многу љубов и поддршка. Многу сум благодарна што можев да бидам со мојот сопруг и да го поддржам. Прекрасно е да се види наследството што го остави неговата баба зад толку многу работи. Таа секако беше најдобар пример за тоа како треба да изгледа женското лидерство“, изјави Меган во интервју за „Variety“.
„Чувствувам голема благодарност што имав можност да поминам време со неа и да ја запознаам. Тоа беше комплицирано време, но мојот сопруг, вечниот оптимист, рече: „Сега таа е повторно со својот сопруг“, раскажа војвотката.
„Се сеќавам на првата службена должност што ја извршив со неа и колку посебно се чувствував. Среќна сум поради тоа. Сè уште сум горда што матријархот во семејството ми приреди топло добредојде“, рече таа.
Кога почина кралицата Елизабета, Меган и Хари беа во Европа, што му овозможи на Хари побрзо да пристигне во Балморал за да биде со своето семејство, иако, за жал, не успеа на време да се збогува со својата баба.
Парот остана во Велика Британија за време на погребот на кралицата, а многу Британци беа воодушевени од првото заедничко појавување на принцовите Вилијам и Хари со нивните сопруги во јавност по долго време и прилично нарушени односи.
View this post on Instagram
На прашањето како кралското семејство се справува со смртта на кралицата Елизабета, Меган одговори:
„За време на големите моменти во животот добивате нова перспектива. Се прашувате на што сакате да ја насочите вашата енергија. Сега се чувствуваме освежено и возбудени сме околу работите што ги градиме. Фокусирани сме и на нашата фондација. Голем дел од работата што ја работиме вклучува филантропија“, рече Меган и откри како најчесто им поминува еден обичен работен ден.
–Ние двајца делиме канцеларија. Работиме од дома, бидејќи многумина почнаа да го прават тоа за време на изолацијата. Тоа ни овозможува да поминуваме доста време со нашите деца во овој навистина посебен период од нивниот живот. Јас правам појадок наутро, а заедно ги подготвуваме децата за остатокот од денот. Имаме многу заеднички повици и видео состаноци, но исто така се обидуваме да го споделиме она на што можеме да ја фокусираме нашата енергија за да постигнеме уште повеќе“.
