Ако некој не се откажува од бракот, тоа секако е милијардерот Руперт Мардок кој се вери со Елена Жукова и планира да се ожени со неа во јуни, што ќе биде негов петти брак.
Медиумскиот магнат има 92 години, а на 11 март ќе го прослави својот 93 роденден. Што се знае за неговата идна сопруга? И како се одвиваше неговиот љубовен живот досега?
Rupert Murdoch Set to Be Married for 5th Time, Engaged to Girlfriend Elena Zhukova https://t.co/Uay4r1TBJ9
— People (@people) March 8, 2024
Руперт Мардок започна врска со Елена Жукова веднаш откако ја раскина свршувачката со Ен Лесли Смит. Првпат со Елена беа видени заедно минатото лето на крстарање по Медитеранот.
Веста за врската прв ја објави Дејли Меил, нагласувајќи дека Мардок ја запознал Елена на забава организирана од неговата поранешна сопруга Венди Денг, пријателка на Даша Жукова и на самата Елена. Подоцна за љубовната романса пишуваше и „Гардијан“. Двојката помина неколку недели на крстарење.
Rupert Murdoch, 92, is engaged once more. This time it is to Elena Zhukova, 67, a retired molecular biologist whom he started dating in the summer. https://t.co/vvqOhH6fhq
— The New York Times (@nytimes) March 7, 2024
Елитното британско списание „Татлер“ ја опишува Жукова како жена во центарот на моќната мрежа во светот на уметноста, пријателка на руските олигарси и на една од највлијателните династии на бродоградба во светот. Таа има еврејско-руско потекло, беше во брак со рускиот нафтен милијардер и финансиер Александар Жуков.
Во интервју за „Њујоркер“ во 2010 година, таа го опиша своето семејство како дел од „московската интелигенција“ и рече дека го запознала својот прв сопруг кога двајцата биле студенти. Во тој брак ја добила ќерката Даша.Се развеле кога нивната ќерка имала три години, а Александар се збогатил кога советските власти почнале да ги намалуваат ограничувањата на приватното претприемништво.
Според Фајненшл Тајмс, Жукова го напуштила Советскиот Сојуз во 1990 година со нејзината ќерка Даша и истата година се вработила на Медицинскиот колеџ Бејлор во Хјустон. Преселувањето требало да биде привремено, изјави Даша за овој весник, а тие останаа таму додека Елена не го продолжи своето понатамошно образование на Универзитетот во Калифорнија во Лос Анџелес, каде што се посвети на студиите за дијабетес.
Кога се пензионирала, работела како професор по молекуларна биологија, објавила неколку научни статии. Нејзината ќерка ја опиша како „многу сериозен научник кој повеќе се интересира за супстанцијата отколку за естетиката“.
Елена Жукова, за чија свршувачка со Мардок пишуваат светските медиуми, има и близнаци, ќерка и син од претходната врска, пишува Гардијан. Даша Жукова беше мажена за Роман Абрамович, со кој има две деца, а сега е во брак со Ставрос Ниаркос, внук на грчки магнат. Двојката има син.
Ниаркос пак, пред бракот со Даша, беше во врска со Парис Хилтон и Мери-Кејт Олсен.
Бурен љубовен живот имал и самиот Мардок. Претходната веридба ја прекина ненадејно исто како што ненадејно ја запозна Ен Лесли Смит со која веднаш влезе во врска, која ретходно беше во брак со ѕвездата на кантри музиката Честер Смит кој почина во 2008 година. Помлада е од Мардок цели 25 години, исто како и Елена Жукова.
Мардок беше во брак и со моделката Џери Хол. Поранешната двојка беа заедно шест години, а се разведоа во јуни 2022 година. Се дозна дека Мардок ја завршил врската преку имеил. Џери за се ги обвинуваше неговите деца, а подоцна порача дека и понатаму си го сака поранешниот сопруг. За разводот доби дебела сума пари.
Сите љубовни скандали кои го следеа милијардерот цел живот, не го спречија и понатаму да ја бара љубовта на животот. А многумина се изненадија дека тому неговата мината сопруга Венди Денг посредувала за започнување на врска меѓу Мардок и Елена Жукова.
