Оваа салата е совршен избор за пеколните летни денови, бидејќи имате спремен ручек за кратко време кој не треба да го готвите.
Потребни состојки:
– 120 мл вински оцет
– 1 лажица шеќер
– 2 лажички сол
– црн пипер
– 1 црвен кромид, излупен, преполовен и тенко исечен
– 3 краставици, исечени на тенки кругови
– 2 млади кромитчиња, тенко исечени
– 2 лимони
– туна конзерва
– 1 авокадо, излупено и исечено на коцки
– грст лисја босилек, магдонос, нане, измиени и искинати
– 3 лажици екстра-девствено маслиново масло
Подготовка:
-Во чиста стаклена тегла измешајте оцет, шеќер и 1 лажичка сол со 120мл топла вода. Мешајте додека не се раствори шеќерот. Зовријте вода во тенџере и додадете го кромидот. Оставете да отстои само неколку секунди во топлата вода, исцедете го добро и ставете го кромидот во теглата со оцет. Киселиот кромид ќе биде пспремен за еден час, или може да се подготви однапред и да се чува во фрижидер до една недела.
-Во голем сад наросете ги краставицита и младиот кромид со солта и сокот од лимон. Зеленчукот треба да биде прилично влажен. Истурете го во длабока чинија за сервирање или широк сад, заедно со дополнителна течност на дното од садот.
-Истурете го маслото од туната и расцепкајте ја во парчиња со големина на залак, во сега празниот сад за мешање. Додадете авокадо, 3 лажици кисел црвен кромид и 1 лажица од киселината во теглата, и нежно измешајте. Положете ја смесата од краставици и зачинете со сол и црн пипер. Може да додадете и свежи билки и обилно зачинете со маслиново масло.
Извор: „NYT Cooking“
