Ќерката на пејачката Гоца Тржан, Лена Тржан, неодамна одлучи повеќе да не го носи презимето на нејзиниот биолошки татко Иван Маринковиќ, туку да го земе презимето на својата мајка.
Лена претходно објави на социјалните мрежи дека ќе го промени презимето, откако одговори на коментар на еден следбеник. Сепак, како што сега открила за списанието „Стори“, дури ниту нејзината мајка Гоца не знаела кога точно ќе дојде моментот својата одлука да ја спроведе во дело.
– За моите пријатели и семејството промената на презимето во Тржан не е новост, туку реализација на нешто што го планирав со години. Мајка ми дури и не знаеше кога ќе го направам тоа… Еден ден отидов во општината со мојата другарка, а потоа седнавме и се напивме кафе. Бидејќи не можам долго да чувам тајна, по два-три дена ѝ раскажав на мајка ми – рекла Лена.
Таа во една пригода зборувала и за своето искуство на социјалните мрежи, каде што е многу активна и каде што често споделува моменти од својот приватен живот. Како што признала, средбата со реакциите на јавноста била многу потешка отколку што очекувала.
– Кога отворив профили на социјалните мрежи, добив „шлаканица од јавноста“. Се испостави дека луѓето се многу посурови отколку што мислев… Но, сигурно не е лесно, иако луѓето мислат дека е така. Верувам дека целата оваа ситуација, како семејство, нè зближи уште повеќе – истакна Лена во интервју за Стори.
