Една од најпознатите балади на балканската музичка ѕвезда Светлана Цеца Ражнатовиќ повторно се искачи на самиот врв на популарноста, заземајќи високо место на Јутјуб трендиг листата во Србија.
Станува збор за култниот хит „Забрањени град“, кој првично беше објавен во 2001 година на нејзиниот десетти студиски албум „Деценија“. Песната се најде рамо до рамо со најновите музички изданија на нејзините колеги, потврдувајќи дека нејзините вонвременски текстови и мелодии наоѓаат пат и до новите генерации слушатели.
Иако Цеца нема издадено нов албум веќе цела деценија, тоа не ја попречува нејзината кариера, бидејќи публика и понатаму активно ги слуша нејзините стари хитови. За потсетување, музиката и аранжманот за „Забрањени град“ ги потпишува Александар Милиќ Мили, додека текстот е дело на незаборавната Марина Туцаковиќ, Љиља Јорговановиќ и Мили.
